«Վրաց լեզվի էլեկտրոնային ուսուցման դասընթացը» դասերի շարք է (140 թեմա/դաս), որը ցանկացած համակարգչից օգտվողի հնարավորություն է տալիս. փուլերով, հիմնավոր սովորել վրաց լեզուն (քերականություն, բառապաշար, դարձվածքներ), Եվրոպայի Խորհրդի կողմից սահմանված չափորոշչի A1, A2, B1 և B2 մակարդակներով, հղկել խոսքը,
կատարելագործել գրելու կուլտուրան:
Ծրագրի վարող էջում տեղադրված է դասընթացի ուղեցույցը, որն ընդգրկում է դասերի /թեմաների ցանկը, որն, իր հերթին, բաժանվում է հետևյալ ենթաբաժինների.
· Լսել / խոսել
· Կարդալ / գրել
· Քերականություն
· Բառապաշար
· Բառարան
Լսել / խոսելու ենթաբաժինը բաղկացած է աուդիո- կամ տեսաֆայլերից և դրանց վրա հիմնված տարբեր տիպի առաջադրանքներից: Ունկնդրման տեքստը, որպես օրենք, հաղորդակցական է (առավելապես` երկխոսություններ): Աուդիո- կամ տեսատեքստը լսելուց հետո, լեզու սովորողը կատարում է տրված առաջադրանքները (ինչպես ինտերակտիվ, այնպես էլ` անհատական), որոնք կողմնորոշված են լսելու և խոսելու կարողությունների և հմտությունների զարգացմանը:
Կարդալ/գրելու ենթաբաժինն ընդգրկում է ընթերցանության տեքստեր և դրանց վրա հիմնված տարբեր տիպի վարժություններ: Այս վարժությունները կողմնորոշված են կարդալու և գրելու կարողությունների զարգացմանը: Սկզբնական փուլում (առաջին 6 դասը) առանձնահատուկ շեշտադրում է արված շարժողական կարողությունների և հմտությունների մշակման-զարգացման վրա (վրացերենի տառերի գրությունը, ինտենսիվ վարժություններ դրանց վրա, յուրահատուկ հնչյունները և հնչյունակապակցությունները վրացերենում ... ):
Քերականության ենթաբաժինն ընդգրկում է քերականության հարցեր և լեզու սովորողին հնարավորություն է տալիս ծանոթանալ այս կամ այն քերականական հասկացության և կարգի բացատրությանը: Ուսումնական դասընթացի այս մասը կրում է կամընտրական բնույթ և նախատեսված է միայն այնպիսի սպառողի համար, որը կողմնորոշված է լեզվի սիստեմային ուսումնասիրմանը: Տեսական նյութին հետևում են գործնական վարժություններ, որոնք դասընթացի հեղինակների կողմից ստեղծված նյութի վրա են հիմնված և ներկայացված էլեկտրոնային դասընթացում:
Բառապաշարի ենթաբաժինը կողմնորոշված է նրան, որ ծրագրի սպառողը հեշտությամբ սովորի բառապաշարը: Այս տեսակետից առանձնապես հետաքրքիր են լեզու սովորողների համար հատուկ ստեղծված խաչբառերը: Էլեկտրոնային դասընթացն ընդգրկում է նաև տարբեր տիպի բազմազան վարժություններ:
Յուրաքանչյուր դասի կցված է կոնկրետ այս դասում կիրառված նոր բառերի և արտահայտությունների բառարան: Ընդհանուր առմամբ նախագծին կցված է հինգ թարգմանական բառարան:
Էլեկտրոնային դասընթացում առանձնանում են առաջադրանքի 3 տեսակներ.
- ինտերակտիվ առաջադրանքներ, որոնք սպառողը կատարում է ծրագրի օգնությամբ (հարցերը և պատասխաններն իրար հետ կապել, տեղադրել բաց թողնված բառերը կամ արտահայտությունները, լրացնել աղյուսակները և խաչբառերը և այլն),
- գրավոր (տպելու) առաջադրանքներ, որոնք սովորողը կարող է լրացնել ինքնուրույն,
- հարցեր, որոնց նպատակն է ստուգել տեքստի ըմբռնումը, սովորողն այս տիպի առաջադրանքներ կատարելիս նույնպես առավելագույնս ինքնուրույն է:
Դասընթացի առաջին փուլում (A1 մակարդակ) բոլոր հրահանգները, նաև քերականական հարցերը ներկայացված են ինչպես վրացերեն, այնպես էլ հայերեն և ադրբեջաներեն: A1 մակարդակը հաջողությամբ հաղթահարելուց հետո, ենթադրվում է, որ սովորողն ունի հիմնարար գիտելիք նրա համար, որպեսզի հասկանա A2, B1 և B2 մակարդակներին համապատասխան տեքստերի բովանդակությունը և կատարի առաջադրանքներ բառարանի օգտագործմամբ:
Լեզվի ուսուցման բոլոր չորս մակարդակներին կցված է համապատասխան թեստ, որի միջոցով լեզու սովորողն ավտոմատ կերպով ստուգում է ստացած գիտելիքի մակարդակը:
«Վրաց լեզվի էլեկտրոնային ուսուցման դասընթացը» համացանցում կտեղադրվի հետևյալ հասցեով. www.ice.ge/elearning_geo և անվճար մատչելի կլինի ցանկացած մարդու համար:
Նախագիծը ֆինանսավորվել է 2011 թվականի օգոստոսին 06-ին միջազգային հիմնադրամ «Բաց հասարակություն ` Վրաստան»-ի կողմից (նախագծի ծածկագիրը` GS/32/11-17759), և նրա իրականացման ժամկետը սահմանվել է 12 ամիս: Առաջին փուլում ստեղծվել է A1, A2, B1 մակարդակներին համապատասխան վրաց լեզվի էլեկտրոնային դասընթաց, իսկ հաջորդ փուլում, 2013 թվականի նոյեմբերին, «Բաց հասարակություն ` Վրաստան» հիմնադրամը շարունակեց նախագծի ֆինանսավորումը (նախագծի ծածկագիրը` CS/21/13 - 19286) և դասընթացին ավելացավ B2 մակարդակին համապատասխան 40 թեմա/դաս: Նախագիծը նախատեսում էր նաև տարածաշրջաններում վրացերենի, որպես երկրորդ լեզվի, ուսուցիչների վարժանքներ, որպեսզի տեղի մանկավարժներն ըմբռնեին ստացած էլեկտրոնային ռեսուրսից օգտվելու կանոնները, որպես մուլտիպլիկատորներ, ներդնեին նոր տիպի ուսուցումը և տարածեին ժամանակակից մեթոդներով վրաց լեզվի ուսուցման ռեսուրսի մասին տեղեկատվությունը:
«Վրաց լեզվի էլեկտրոնային ուսուցման դասընթացի» ստեղծման վրա աշխատել են.
Մարիամ Մանջգալաձե` նախագծի տնօրեն
Կախա Գաբունիա` խորհրդատու
Լիա Բակուրաձե` վրաց լեզվի փորձագետ
Քեթևան Գոչիտաշվիլի` վրաց լեզվի փորձագետ
Ճաբուկի Քիրիա` վրաց լեզվի փորձագետ
Թեյմուրազ Խունդաձե` ծրագրավորող, նկարիչ-դիզայներ
Իլյա Ճրելիշվիլի` նկարիչ-պատկերազարդող
Զոյա Մխիթարյան` հայոց լեզվի փորձագետ
Էլվիրա Ասլանովա` ադրբեջաներեն լեզվի փորձագետ
Մալխազ Շուրղաիա` մեթոդիստ
Էկատերինե Նավրոզաշվիլի` մեթոդիստ
Դիանա Կակաշվիլի` ասիստենտ
Նախագծի հեղինակներ` Մարիամ Մանջգալաձե և Քեթևան Գոչիտաշվիլի
Առանձնահատուկ շնորհակալություն «Բաց հասարակություն` Վրաստան» հիմնադրամին` նախագծին աջակցելու համար:
Պատրաստ ենք երախտագիտությամբ ընդունել ցանկացած գործնական դիտողություն և այն նախատեսել հետագա աշխատանքի ժամանակ- elearning_geo@ice.ge